تبلیغات
ایزلریمیز - منی اؤزونه قات

ایزلریمیز

دیلیمیز گؤزل و اؤزل دیر

 

منی اؤزونه قات

 

نوشته شده توسط:سارای سولدوزلو، آی سو

منی اؤزونه قات

نه قاچماق ایسته ییرم، نه اوزولموشم.

من دایانمیشام، بو گونه دک هامی آجی لارا، هامی دردلره دایانمیشام، آما بو درد آغیر درددیر، چوخآغیر... چوخدا درین. گئتدیکجه دئشیلیر، دئشیلدیکجه، دیکه لیر.. 

منیم سوچوم نه یارادانیم؟؟ سوچوم نه کی ایسته مه دن دونیایا گلمیشدیم؟؟ منیم تؤره نیشیم بیر تصادوف اولاراق، هئچ کیم منی سئومه دی..

من ایسته دیم بو دونیادا یاشاییب، گؤزللیک لرینی سئویب، آجی لاریندان درس آلیم. من بو دونیادا هامینی سئودیم آما بللی اولدوغو كیمی منیم سئوگیم هئچ نه یی دییشمه دی...

یارادانیم گؤرورسن! بو منه وئردییین پای دیر! بو سن وئردییین حوکمدور!! منیم سوچوم بو دونیانی سئومک اولسادا، من سندن یاردیم ایسته میشدیم، سنی وکیل توتموشدوم. به سن نجور وکیلسن؟؟ هئچ چالیشمادین منه؟؟.. آخی سن اؤزون دئییب سن« من ان یاخشی وکیلم..» بس هانی؟؟!! کیمسه م اولمادیغینی بیلیرسن، سیغیناجاق یئریم یوخدو... واللاه داها یورولموشام، اؤزومو آلداتیب، اوره ییمه دؤز دئمک دن!!

من بیر صبیر سیز اینسان، نه زامانا کیمی بو آجی لارا دؤزوم؟؟ ایمانیمی سیناییرسان؟؟ اودوزاجاغامی بیلیرسن.!؟ دئ گؤروم سندن اوجا ال وار می؟ اوندان یاپیشیم؟! سن سن منیم سیغیناجاغیم، سن سن منی یارادان.

سنه دؤنورم تانریم، توت منی، گلیرم سنه. اته یینی آچ بیر قوجاق گؤز یاشیم وار.

 گل اوتور، باشیمی قویوم دیزین اوستده،آغلاماق ایسته ییرم تانریم.

یارادانیم، الینی چک باشیما... دایاغیم اول، سندن سندن باشقا هئچ نه ایسته میرم

منی اؤزونه قات تانریم، اؤزونه قات منی.

یازار: آی سو




 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر