تبلیغات
ایزلریمیز - اورمویا گل...

ایزلریمیز

دیلیمیز گؤزل و اؤزل دیر

 

اورمویا گل...

 

نوشته شده توسط:سارای سولدوزلو، آی سو

اورمویا گل..


اورمویا هاچاغ گله جکسن سئوگیلیم؟ سوردوم هاچاغ گله جکسن، ایسته دیم بیر شئی تاپشیرام، بیر شئی کی سن یاشایان یئردن باشقا یئرده تاپیلماز. ایسته ییرم دئییم گلنده اونودا گتیر. سئوگیلیم؛ ایندیه دک سندن هئچ نه ایسته مه میشم، آما ایندی دئییرم یئنه اورمویا گل، اورمویا تئز-تئز گل، گلنده اؤزونوده گتیر، آخی هر یانی آختاردیم آما اؤزون هئچ یئرده تاپیلمیسان، اونون ایچینده اؤزونو سنه تاپشیردیم، اؤزونو گتیرمه ییده سنه...
جانیم بو طرفلره چوخ گل، اوره ییم یامان داریخیر سنه، هر آن سنی گؤرمک ایسته ییرم، اللرینی اللریمده دوتوب بو شهرده دولانماق ایسته ییرم، بیلمیرم ندندی سنی، هر زامان یانیمدا دوشونورم بو شهرین هر کوچه سینه آیاق آتدیغیمدا سن منینله سن، هر نه یه باخدیغیمدا سنین باخیشینین تاییدین ایزله ییرم، توم ثانیه لریم سنله گئچیر... آما اؤزومه گلدیییمده سن یوخسان...
سنی بو شهرده گؤزله ییرم و بیلیرم بو یاخیندا سنله بو شهرده، شهرچاییندا گؤروشه جه یم. خوشاکویا گئتمه سکده، دوققوز پیلله دولابلاری بیزه یئتر، بنده گئتمه یه واختین اولماسادا، اورمان پارکینین گون باتان لار اوقدر گؤزل دیر کی بیر دونیایلا دییشمک اولماز. شور گؤلونون سون نفس لری اولسادا بئله یئنه گؤرمه لی دیر....
گل؛ اؤزونوده گتیر، اورمو هله ده گؤزل دیر و اورمودا بیر قیز الینده چیچک، چای قیراغیندا سنی گؤزله ییر، سنی اؤزله ییر، تئز گل..

یازار: آی سو



Kenneth
دوشنبه 16 مرداد 1396 08:54 ب.ظ
I was suggested this blog by my cousin. I'm not sure whether this post is written by him as nobody else know such detailed about my
trouble. You're amazing! Thanks!
səhər
شنبه 13 خرداد 1391 01:33 ق.ظ
çox gözəlidi aysu xanım,əllərizə sağlıq
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر