تبلیغات
ایزلریمیز - آت، اوولاد، تورپاق

ایزلریمیز

دیلیمیز گؤزل و اؤزل دیر

 

آت، اوولاد، تورپاق

 

نوشته شده توسط:سارای سولدوزلو، آی سو

آت، اوولاد،  تورپاق

خیال اوزاق- اوزاق
ایللره واردی،
چاپارلار یوللاردا
دومان قوپارتدی.

چاتدی حؤكمداردان
خاقانا خبر:
-گؤزل آغ آتینی
سن منه گؤندر!!

«آغ آتی وئركمی؟؟
آت كی قاناتدیر»

گلدی مصلحته
 ائل دسته- دسته.
خاقان چوخ دوشوندو،
او، غمه باتدی.

دئدی: قان دوشمه سین
 بیر آتین اوستده.
ایل كئچدی...
بولودلار
داغلاری ساردی،
چاپارلار یوللاردا
دومان قوپاردی،
چاتدی حؤكمداردان
خاقانا خبر:
- اورتانجیل اوغلونو
سن منه گؤندر!!!
منیم قوشونومدا
عسگرلیك ائتسین،
یوخ، یوخ آغ آتیما
مهترلیك ائتسین!

اوولاددان ال چكك؟
اوولاد موراددیر!»

گلدی مصلحته
ائل دسته- دسته.
خاقان چوخ دوشوندو
او، غمه باتدی.

دئدی قان دوشمه سین
بیر اوغول اوسته!
 
دونیایا نور ساچان
اركن باهاردی،
چاپارلار یوللاردا
دومان قوپاردی؛
- داها دارلیق ائدیر
بوردا یئر منه.
قونشو تورپاقلار
خاقان، وئر منه!!!!

«یادلار حاكیم اولسون
یوردوندا سنین؟؟»

گلدی مصلحته
 ائل دسته- دسته
-وجسیز تورپاقلاردیر
قوی وئرك گئتسین،
كول- كوس دا بیتمه ییر
اوشوران دوزده.
واخت كئچدی-
سوكوتلو دقیقه لرله
خاقان اؤز یئریندن
قالخدی كدرله:
«آغ آتی وئردیم؛
من آت تاپارام.
اوولادی وئردیم كی؛
اوولاد تاپارام.

من تورپاق تاپمارام
فقط دونیادا،
نییه تورپاغیمی
من وئریم یادا؟؟
تورپاق منیم دئییل
خلقین دیر تورپاق.
آنجاق عدالتین
حقیندیر تورپاق.
بابامدان بو تورپاق
منه میراثدیر
بو تورپاق اوستونده
اؤلسمده آزدیر.
گل دوشمن،
یاسینی
گؤره جك عالم.
سنه اؤزون بویدا
تورپاق وئره رم!»

چاپارلار هولناك
گئری چاپدیلار.
... یادلار او تورپاقدا
قبیر تاپدیلار.

*****
شفقلر اوفوقدا زر لچك كیمی-
داغدان توپا-توپا
بولودلار آخیر.

دونن قار یاغیردی
آغ چیچك كیمی
بو گونسه آ؛ چیچك
قار كیمی یاغیر.

هر فصیل تزه دیر هر دیلك اوچون،
عمرون داغ یولونو
تك چیخیرام من.

دونن داریخیردیم
 آغ چیچك اوچون
بو گون آغ قار اوچون
داریخیرام من.

شاعیر:نبی خزری



سارای
یکشنبه 15 آبان 1390 12:41 ب.ظ
چوخ چوخ گؤزل شعرلر سئچیرسن. تشکورلر
پاسخ سارای سولدوزلو، آی سو : xahiş elirəm xanim
gözəllik özündəndir.
sənində gözəl şer ya mətnin olsa gətir qoyax bura
atilla
یکشنبه 15 آبان 1390 09:50 ق.ظ
چوخ گوزلدیر
عوموردن_گوندن پای اولار آنجاق تورپاقدان پای اولماز.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر