تبلیغات
ایزلریمیز - گئجه

ایزلریمیز

دیلیمیز گؤزل و اؤزل دیر

 

گئجه

 

نوشته شده توسط:سارای سولدوزلو، آی سو

گئجه

ماوی گؤیو و اونون های-کویون و پیس- یاخشی لارینی ایچینه چکیب آپاران و هئپسینین اوستونه قارا پرده چکن گئجه، آیدین لیق لار و ایشیق لاری بیر-بیر سؤندوروب، گوندوزون بوز  بویالی ذرره لرینی، آی ین رنگی آتمیش ایشیقیندا اوینادان گئجه، ائی کؤلگه لی باغ کی جسم لر و جان لاری بیر-بیرینه بورونموش یارپاق لار و بوداق لارینین آلتینا سیغیرسان و بیر گیزلین اورک سایاغی رؤیا و هوس لریمیزی اؤزونه چاغیریرسان، ائی بیزه  سوچ و یوخو پایلایان گئجه، هردن بیزی هوس و کئفه چاغیریرسان و هردن اونوتماق و خبرسیزلیک یولو گؤستریرسن. زامان اولور روحوموزو قارانلیق و سسسیزلیکده سحر یئلی سئوگی یام گتیرمیش بیر چیچک کیمی گول آچماغا اومود وئریر و زامان اولوراوره ییمیز یارالانمیش جئیران کیمی تالواسالا دوشور.

ائی سولار و قورولوق لار اوستونه اییلیب اولدوزلو گؤزلرله بیزیم سئوینج-کدریمیزه باخان گئجه، سنی تانری منیم  سینیق گمی کیمی اوره ییمه ده بیر باخ، گؤر نئجه ایختیار الدن وئریب و دلیجه اؤزون یاشاییش دنیزینین دالغالارینا تاپشیریر...

ائی باخیشییلا داش-قوما گوموش بویاسی سپیب و اونلاری گوموش لندیرن گئجه، بیر آن دا منیم یازیخ و سینیق کؤنلومه باخ گؤر نئجه یانار آلوولاری ایسته ییر گئجه نی آرادان آپاریب و داها آی چیخمایان یئرلری اؤز ایشیق ایلا آیدین لاندیرا..

باخ! گؤر نئجه منیم اوره ییم گئجه بالیغ توتان بالیغ چی لارین آغیر توروندان داها آغیردیر، آغزی دنیزین خزه لریندن داها آجی و تورا دوشموش بالیقلاردان داها اومودسوزدور.

ائی گئجه بو یورقون و آغریلی کؤنلومه بیر باخیب اونو آرام وسیجاق ائت، ائی سکوت و اؤلومو گؤسترن گئجه، یوخسا منی ابدی اولاراق سؤندور کی درد و اومودسوزلوقدان قورتاراسان، یوخسا بیر سئوگی پای گتیر بلکه بو چوروموش اوره یه جان وئرمیش اولاسان...

تورکجه یه چئویرن: آی سو



 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر