تبلیغات
ایزلریمیز - ابراهیم جعفرزاده نین آذربایجانان آیریلدیقینا گؤره

ایزلریمیز

دیلیمیز گؤزل و اؤزل دیر

 

ابراهیم جعفرزاده نین آذربایجانان آیریلدیقینا گؤره

 

نوشته شده توسط:سارای سولدوزلو، آی سو

ابراهیم جعفرزاده نین آذربایجانان آیریلدیقینا گؤره


آیریلدی نیسگیللی وطن اوغلو، آذربایجانان

سئویب قوروموشدو بو توپراقی،اورکدن،جانان

 

یانیردی ظلم اودونا،آذربایجان دردینه

تولکوینن دؤیوشوب، نفرتی تؤکدو قلبینه

 

لای لای سسینه دویمامیش،یاتدی آیلار بالاسی

سولدو گول غنچه سی،داغین آچیلمامیش لالاسی

 

آتا اولان زامان دئدی واردیر آرخامدا بالام

 دئدی هئچ اولار بو دونیادا من دایاقسیز قالام؟

 

رسم دیر جاوان یاسیندا یولداش چالار باشینا

قان یاش آغلایان گؤزوینن باخار قبیر داشینا

 

ایمکان وئرمه دیلر دویا، دویا آغلایاق یولداشا

یولداش یوخ،آغلایانمادیق یول گؤرسه دن قارداشا

 

بو گوندن قویون آرتیق حرمت،وطن ده توپراقا

اوچو قاریشدی توپراقا، چوخو گیردی دوستاقا

 

رحمی اولمادی غم گؤنوموزده ده دشمنین

گؤردو یامان گونده یق ووردو دالدان خنجرین

 

آذربایجانین گؤزلری قان آغلاییر بو گون

ایستییر چاتدیرا تورک ائولادلارینا سؤزون

 

هاممی وئرین غیرتلی اوغلومون یولونا دوام

ابراهیم دا ایستییردی من باشی اوجا قالام

 

یاشادین جعفرزاده عائله سینین آدین

اونودون عربی ،ساخلایین یاددا خوی شیرخوارین

 

ماتمی دردی دؤندرین اورک لرده نفرته

چالیشین، آذربایجانی تاپشیرمایین قسمته


شاعیر:سارای سولدوزلو



aypara
شنبه 16 مهر 1390 10:59 ق.ظ
ساغول چوخ یاخشیدیر
atilla
شنبه 16 مهر 1390 10:51 ق.ظ
دئدی هئچ اولار بو دونیادا من دایاقسیز قالام؟
بیلدیین تکین بیزیم دیلده بو دورد ادات جمله نی سوالی ائدرلر و فرسجا (آیا؟) معناسین داشییرلار
بولار: مو ، می
چون اوستده کی مصراع سوالیدیر یاخشی اولاردی بئله یازیلا:
دئدی هئچ اولارمی بو دونیادا من دایاقسیز قالیم؟
آنجاق شعرین گوزلدیر بیر آز شعرین قالیبلری و وزنلرینه عاید کیتابلار اوخومالیسان
سنه یارادیجیلیقیندا اوغورلار
پاسخ سارای سولدوزلو، آی سو : چوخ ساغولون ده یرلی نقد لریز و باخیش لاریز ایچین
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر