تبلیغات
ایزلریمیز - سونورام... دیلداشلاریما...

ایزلریمیز

دیلیمیز گؤزل و اؤزل دیر

 

سونورام... دیلداشلاریما...

 

نوشته شده توسط:سارای سولدوزلو، آی سو

سونورام... دیلداشلاریما...

تیلفونو گؤتوردوم، اللریم اسیردی، اوره ییم بیر بالا قوش اوره یی کیمی چیرپیردی، آغزیم دوزلاق چؤللر کیمی قوروموشدو
                             ****
یئنه دوزلاق دئدیم بوتون آجی لار یادیما دوشدو، بیر سوسوز دنیز، بیر حاقلی میللت، بیر بئینی بوش قورولتای... بیرده دیل قانماز سیلاح لار و قورشون لار..
دوشوندوم اولمایا عاشورا تیکرار اولوردو او گون کی بیر الی یالین میللت باغیریب سوسوزلوقدان جان وئرن دنیزینه سو ایسته ییردی.. ندن سو یئرینه جاواب گؤز یاشی آرتیجی قاز و قورشون ایدی؟؟.
                                   *****

تیلفونو کؤکسومه سیخیب گؤزلریمی یومدوم، خاطیره لر تابلوسونو گؤزومون اؤنوندن گؤتورب نومره نی توتدوم.. ایشغال.. دوشوندوم هئچ زنگ آچماییم، نه ییم وار دئمک ایچین آخی؟؟ دئییم دولانماق خوش کئچدی؟ سوروشوم هارالاری دولاندین؟؟ آمان تانریم نئیله ییم؟؟ بیلسه بو نئچه گونو اونون دوشونجه سی ایله هر آنیم اون ایل کئچیب اوزولر.. یولداشلارینا تاپشیریب توتولسا منه دئمه سین لر هاردادیر... آما نه یاخشی اولاردی بیلسه یدی من هر آن اونا دوشونورم و اونون یولو منیم یولومدور، ندن بولاری ایندییه دک دئمه میشدیم اونا؟؟  اوره ییم سیخیشدی، ساندیم ایندی بوغازیمدان چیخار ائشیگه، تیلفونو گؤتوروب یئنی دن نومره نی توتدوم. بیر یورقون سس دئدی:« الو..» نه تانیش و ایستی بو سس! بوتون بورقونلوغوایلا بیلیردیم گولور، هئچ زامان توتقون اولمایان سئوگیلیم کسین ایندی ده گولوردو... سس یئنه دئدی «الو.. دانیشمایاجاقسیز..؟..»
دوشوندوم بو ائلیمیزین ایلک آددیم لاریدیر، سئوگیلیم بوآددیم لاری آتماقدا ندن من اونلا یولبیر اولماییم؟؟ گوجومو ییغیب تیترک سسله دئدیم:« دوستاق خوش کئچدی؟؟ بو کز نئچه سیلله یئدین؟؟ یئنه اللرینی باغلاییب سنی وورورکن آجی سؤزلردئدیلر؟؟ گؤز یاشلاریمی ییغمیشام شوشه یه، گؤزلورم گله سن بیرگه آپاریب تؤکک دنیزیمیزه...» گؤز یاشلاریم ماجال وئرمه دی اوجا سسله آغلادیم..

 تئز اؤزومه گلیب یاشلاریمی سیلدیم. بیر درین نفس چکیب، بو یولا اولان گوجلو اینامیم کیمی گوجلو دانیشماق ایسته دیم، موحکم دئدیم:« بیلیرم بو سون کز دئییل، بیزلر بو یولو گئتمه لیییک، گلن دفعه خانلیغا گئدنده منی ده آپار. من یاخشی یولچو و گوجلو فیکیرداش اولماسامدا یاخشی یولداشام..، گله جک ده سینایا بیلرسن... منده ائلیمیزین باتمیش حاقلارینی آلماغا چالیشاجاغام.. بو یولدا باتوم قوناغیم اولور اولسون ، سیلله قوناغیم اولور اولسون بلکه ده موتلو بیر اینسان اولدوم و ائلیمین یولوندا قورشونلار قاپیمی چالدیلار.. توم بو آجی لارا حاضیرام یئتر بیر قورو نفس ایچین سوسماغیمیز ...»

یازار: آی سو
 
سونورام بوتون دوستاق چکن دیلداشلاریما...





رستم
دوشنبه 18 مهر 1390 03:43 ب.ظ
چو.خ گؤزلدی. ساغ اولون. یالنیز گؤز یاشاردیجی سؤزونو دوزلدینیز.
اوغورلار اولسون.
atilla
یکشنبه 10 مهر 1390 12:40 ب.ظ
man cox turkca matn va roman oxumusham ozuda an boyuk yazarlarin asarin ancaq demaliyam ki sizin bu yaziniz cox urayima yatdi ham qonu baximindan hamida yamaq gucu bacasindan cox bayandim
aliniza qolunuza asgliq
qardasiniz muganli atilla
پاسخ سارای سولدوزلو، آی سو : چوخ ساغولون آتیلا بی موغانلی
من سیزلرین یاردیم لاری و نقدلرینن
گله جکده یازیلاریمی گوجلندیره بیلرم
سارای
یکشنبه 10 مهر 1390 11:38 ق.ظ
سئوگی قیمتین بیلمین وطن قیمتین بیلمز.
سارای
یکشنبه 10 مهر 1390 11:38 ق.ظ
سئوگی قیمتین بیلمین وطن قیمتین بیلمز.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر