تبلیغات
ایزلریمیز - سیزه سونورام...

ایزلریمیز

دیلیمیز گؤزل و اؤزل دیر

 

سیزه سونورام...

 

نوشته شده توسط:سارای سولدوزلو، آی سو

سیزه سونورام...

سن منی سئومیردین، هئچ زامان. یالنیز من اؤزومو آلداتیردیم و اینانا بیلمیردیم  سنین  یوخلوغونا، ایندی سه  اؤزومـو  سن سـیز دوشونه  بیلمیرم.  سن سـیز  یاشایا بیلمیرم،  گون لریم  گئچمیر، اولماسان گئجه یه سورگون اولموشام، اورییم سیخیلیر، اودلانیر، یانیر آما دئیه بیلمیرم؛  سنین نه یی نه آلداندیم؟  ندن بئله وورقون اولدوم؟ سنی گؤرنده دیلیم دوتولور، اللریم اسیر، آیاقلاریم اوستده دورا بیلمیرم، ندن بئله اولدوم؟  بیلمیرم. من یالنیز بیلیرم سنه سؤز دئمه لییم، یالنیز بیر سؤز. آما سنله گؤروشنده، سنله  دانیشاندا، هر ندن سؤز آچیرام اوره ک  سؤزوندن سونرا. من بو باره ده ساعاتلار چالیشمیشام، آی لار دوشونموشم، بلکه ده ایللر... هئچ بیلمیرم... زامانی دا ایتیرمیشم. من یالنیز ایسته ییرم بیر سؤز دئییم بیر عؤمور ایسته دیم  دئییم اولمادی،  من آنام دان اؤیرندیم؛  کیمم، نه یم...  آنام  همئشه  دئییردی: « قیز گرک آغیر اولسون... ، قیز اوجادان گولمز!.. بیرینین اوزونه دیک-دیک باخماز!.. » آنامین دئدیکلریندن آنلادیم کی  آنجاق هر نه یه دوشونمه لییم  اؤزومدن و اؤز احساسیمدان سونرا. آنامدا آناسیندان اؤیرنمیشدی...

آنامین سئوگیسینی آتاما،  پیشیردییی  یئمک لرده،  همئشه  حاضیر چای دا، تر-تمیز ائو ائشیگینده، بلکه ده آنامین سئوگیسینی تیترک اللرینده گؤردوم؛ آتام بورما بیغلارینا ال آتان زامانلار، قاشلارین دویونله یه نده، یوخسا اوجا سسله آناما بیر سؤز دئیه نده... او آنلار آنام اؤزون ایتیریب، اللری اسردی.  آما آغلامازدی، هئچ  کدرلنمه زدی، آجی مازدی دا... .  بلکه ده آنام کدرینی گوللو فرشه دویونله -دییی الوان ایپک لرده گیزله تمیشدی... بیر کز آنامین اللری اوقدر اسدی کی یاریمچیلیق فرشینی منه تاپشیردی.. آنام گئتدی.. ایندی سه

منیم اللریم اسیر، منیم اللریم آما آغریدان آجی لاردان، کدردن یوخ.. منیم تیترک دوداقلاریمدا ایللردی بیر سؤز قورویوب، من ایللردی سئومک باشارسامدا سؤیله مک باشارمیرام...

یازار:آی سو



چهارشنبه 5 بهمن 1390 11:41 ب.ظ
چوک گوزل و دیرلی وبلاگین وار
چاغمورلو
یکشنبه 17 مهر 1390 09:20 ب.ظ
یولونوز داواملی اولسون!
atilla
یکشنبه 10 مهر 1390 01:03 ب.ظ
bu yaziniz chox chox gozaldir sozun asil manasinda kef eladim
chox duygulu qalaminiz var lutfan yazmaqiniza davam etdirin siza va millatimiza ugurlar
پاسخ سارای سولدوزلو، آی سو : سالام ده یرلی گؤروشچو
چوخ ساغولون سیزین لوطفوز وار
اینتیقادلارینیزدا ده یرلی ایدی و چالیشارام ایشلهدیم
یئنه دئییرم چوخ ساغولون..
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر